Acts 5

E Ananaës Me E Sapaëraß

1A meh teß to teß non, a ëhnaneah e Ananaës, ke köövo peß a ëhnaneah e Sapaëraß. E Ananaës to vavoen a ma pah tah neß to vaneah non. 2Ivëhkëk, ee pon to vaonöt ee pa öt kök hah a meh moniß, ke Ananaës nö ko heß en po aposol pa moniß to keok, pareß soe pan, “Eß vaßih a moniß avoes va pa ma tah nöß to vavoen.” 3Ke Pitaß soe ke Ananaës pan, “Ananaës, vahvanih kën vaonöt ke susun po oraß hat, keß matop e non po kokoman pën. Kën piuk in a Tuvuh Vasioß pa moniß nën to kon pa tah nën to vavoen. 4Eën to vaneah nom a tah pën, parën vavoen eom peß, ka moniß nën to kon eën to vaneah nom. Manih po kokoman pën eën nok vamanih suk ataeah? Eën to hikta piuk in a teß, ahik, eën to piuk eom pe Sosoenën.” 5E Ananaës to pënton a soe vëh, ko vuß en po oeh a mët. Ka ma napan varih to ep ne, me a ma teß varih to pënton maß pah naöp ee. 6Ka ma teß sekaß ho maß, pare kupkup ee pa sionineah, pare teß ee pa pe.

7A kukön aoaß to oah ee, ke köövo ho maß to hikta nat non pa tah to tavus vu. 8Ke Pitaß soe ke köövo pan, “Soe ka neoß ah, a moniß kës vëh eß a moniß avoes nöm to vavoen a tah peöm, paröm kon?” Ke köövo piun, pareß soe pan, “A, eß a moniß avoes.” 9Ke Pitaß soe ke köövo pan, “Suk ataeah, köm vahoß a Tuvuh Vasioß pe Sunön pa punöß? A ma teß varih to pe ko maß e voe pën, to sun e ne po matön hopaß, ee me se vateß tavus ee pën.” 10Ka varuß vakomanih e köövo to vuß en pa havin mon e Pitaß a mët. Ka ma teß sekaß ho maß, ko ep ee pe köövo to mët en, pare vateß tavus e köövo, pare pe ee peß havin e voe peß. 11Ka napan varih to vaman voh ee, me a ma meh teß to pënton maß, ee to pah naöp vörep ee.

A Ma Vu Tah Vatoksean To Tavus

12O aposol to vatvus a ma vëknöm me ma tah vatoksean manih pa napan, ka napan varih to vaman ne to vapöh kokoman, pare vatötönun pa ö in a Iuun Hinhin Apuh, nee to pokaß ne a Parantaß pe Solomon. 13Ka ma napan varih to hikta teß ne po vakum pee, hikta nönö ne maß pa vakum me raoe. Ivëhkëk, a ma napan to ta rakah e ne po aposol. 14Ka nap peo rakah to vaman ee pe Sunön, ko hop ee maß manih po vakum pee.

15O aposol to nonok ne a ma tah vatoksean, ka napan teßteß ee maß po teß to haraß ne a moeh. Pare vökroh ee pee manih sinten hanan, ke Pitaß se oah non ka apeneah apon raoe, kee toß hah ee. 16A ma napan to taneß maß pa ma vöön to teß ne sinten Jerusalëm, ee me to vatönun maß. Ee to meeme maß ro teß no oraß hat to miröß voh, me ro teß to haraß ne a moeh. Ee kurus to vihvih hah ee.

O Aposol To Kon Kamis

17Ivëh, ka Teß Susun po Teß Ësës Heß, me a ma vakamöß peß o Sëdiusi to puhioß a ma tah vatoksean no aposol to nonok ne. 18Ee to öt o aposol, pare vaho raoe pa nohnoh apuh vaßpeh me a nap hat. 19Ivëhkëk, pa popoen no a ankeroß pe Sosoenën to peret ke raoe o hopaß, ko vatvus raoe ko soe ke raoe pan, 20“Eöm se nö manuh pa Iuun Hinhin Apuh, paröm soe tavus ke ra napan o toßtoß voon vëh nöm to teß nem.” 21Ko aposol vatet a soe pamëh, pare nö ee manuh koman a Iuun Hinhin Apuh pa ö no a muhin to mamaaka nö non, ko taneo ee pa vavaasis a ma napan.

Ka Teß Susun po Teß Ësës Heß, me a ma vakamöß peß vaoe ununun ee po Vakum Teß Susunön po Jiuß, kee vakum ee, pare vanö ee pa soe pa me taneß maß o aposol pa iuun nohnoh. 22Ivëhkëk, o pirisman to nö ko hikta ep in o aposol, manuh koman a iuun nohnoh, ko hah ee, pare soe vanat pan, 23“Emöm to nö na pa iuun nohnoh ko ep in a ma hopaß to papanih, ka ma teß utut ut e ne. Ivëhkëk, emöm to ho pamöm hikta ep in ta teß koman.”

24Ka teß susun po pirisman va pa Iuun Hinhin Apuh, me a ma teß sunön ësës heß pënton a soe vaßih, pare toksean ko pah kokoman vörep rakah e ne pataeah se tavus suk maß. 25Ka pah teß ho maß, pareß soe pan, “Pënton öm! A ma teß varih nöm to vahoß pa nohnoh to teß ne pa Iuun Hinhin Apuh to vavaasis ne a ma napan.” 26Ivëh, ko pirisman, me e susun pee nö ee pa me hah o aposol, ko hikta ip maß raoe. Ee to nanaöp e ne pa napan to meß tösvös raoe.

O Aposol To Hikta Nanaöp Ne Pa Vatvus A Soe Matëëro Vakum Teß Susunön Po Jiuß

27O pirisman to me ho maß o aposol, kee sun e ne matëëro Vakum Teß Susunön po Jiuß, ka Teß Susun po Teß Ësës Heß hi raoe a ma hi. 28“Emöm to kömköm voh a neöm, pan eöm se nat nem vavaasis nem pa ëhnan e Ieesuß. Ivëhkëk, eöm to vavaasis avoeß e nem pa ëhnan e Ieesuß. Ep öm! A nap peo rakah to vaman o vavaasis peöm manih Jerusalëm. Eöm to vateen a möm pa mët pe Ieesuß.” 29Ke Pitaß me o upöm aposol piun, pare soe pan, “Emöm se vatet varoe nem a soe pe Sosoenën, ka manih pa teß akuk, ahik.”

30Eöm to ip vamët voh e Ieesuß pa ö nöm to ni eah pa kuruse. Ivëhkëk, e Sosoenën pa kën sipuura to vatoß taneß hah poan po vapeepe. 31E Sosoenën to vasunön poan, ko vaihoß poan pa papmatö peß, keß vovoh ka rora pa panih a taateß hat, me kon hah a napan va Israël, me a ihan anoe a ma hat pea. 32Emöm a ma teß va pa soe tavus a ma tah kurus poë varih no a Tuvuh Vasioß to heß non o nat. E Sosoenën to heßheß non a Tuvuh Vasioß pa napan varih to nonok ne a ma tah neß to soe.”

E Gameliel To Soe A Ö No Teß Va Po Vakum Teß Susunön Po Jiuß Se Vatö Ke O Aposol

33O Vakum Teß Susunön po Jiuß to pënton a soe vaßih, pare pah heve ee, ko iu ip vamët e ne po aposol. 34Ivëhkëk, a paeh va pee, a to Parësiß a ëhnaneah Gameliel, a teß vavaasis va po Vavaasis pe Mosës no a napan to ta ne poë to sun, pareß taß a ö no aposol se tavus. 35E Gameliel to soe ke a napan va po Vakum Teß Susunön po Jiuß pan, “Eöm a napan va Israël, eöm se matop nem pa tah nöm to iu nok nem pa ma teß varih. 36Eöm to nat e nem, moaan voh ne Teutas to soe pan, ‘Eöß a teß sunön.’ Ivëh, ka 400 teß vatet voh poë. Ivëhkëk, ee to ip vamët ee peß, ka ma napan varih to vaman ne poë rusin vahok ee, ka kiu peß hik en. 37Po vasuksuk ne Jiutas, a to Galiliß to tavus pa ö no kaman to kokon ëhnan non, eß me no a napan to vatet poë. Ivëhkëk, ee to ip vamët ee peß, ka ma napan varih to vatet ne poë rusin vahok ee. 38Ivëh, ka varuß a manih, eöß to soe ka neöm, eöm se nat nem nok ta pah tah manih pa ma teß varih, eöm se koe raoe, suk ataeah, eß se keh teß non a kiu me o kokoman pa teß, a, eß se hik hah en. 39Ivëhkëk, a tah vëh se keh taneß maß pe Sosoenën, eöm hikta onöt nem a soepip raoe. Eöm tomeß vavapus me e nem pe Sosoenën.”

40Ivëh, ko Vakum Teß Susunön po Jiuß vatet ee pa soe pe Gameliel. Ee to vaoe ho o aposol, pare rëp raoe po uris rëprëp teß. Ee to heß a soepip kikis, pan ee se nat ne vavaasis ne a ma tah varih pa ëhnan e Ieesuß. Ee to vahik, ko vanö ee pee. 41Ivëh, ko aposol tavus këh ee pa iuun vëh no Vakum Teß Susunön po Jiuß to vakum ne. Ee to vaeö rakah, suk e Sosoenën to koman non raoe to onöt e ne pa kon poet pa kiu vih nee to nonok ne pa ëhnan e Ieesuß. 42Pa ma poen kurus manih koman a Iuun Hinhin Apuh, me pa ma koman iuun po teß, o aposol to vavaasis, me ee to vatvus ne a Soe Vih va pe Ieesuß, e Kristo.